⠀
Иш-чараны КӨЭАУнун ректору, профессор Абдилбает Мамасыдыков ачып, өлкөдө жана университетте илим тармагына өзгөчө көңүл бурулуп, жаш изилдөөчүлөрдү колдоо багыты жаңы деңгээлге көтөрүлүп жатканын баса белгиледи.
⠀
Андан соң КӨЭАУнун бир катар окумуштууларына Жогорку Кеңештин, Ош шаарынын мэриясынын жана Ош шаардык Кеңешинин Ардак грамоталары тапшырылды. Бул сыйлыктар университеттин илимий-изилдөө иштериндеги жигердүү эмгегинин жана жетишкендиктеринин натыйжасы катары бааланды.⠀
Салтанаттуу бөлүктөн кийин “Илимдин үлгүлүү инсандары” аттуу чыгармачыл жолугушуу уланды. Иш-чара илимге жана инновацияга өз өмүрүн арнаган белгилүү окумуштуулар менен жаш изилдөөчүлөрдүн ортосундагы баалуу тажрыйба алмашуу аянтчасы болду.
⠀
Жолугушуунун коноктору:
Мухаммеджан Ташалиевич Мамасаидов, КР УИА академиги, техникалык илимдердин доктору, профессор — «Ай катмарына жеткен илимпоз» темасында баяндамасын сунуштады;
Абдурашит Гумарович Низамиев, г.и.д., профессор — «Эл аралык илимий-изилдөөлөрдө долбоорлорду аткаруу тажрыйбасы» тууралуу ой бөлүштү;
Максатбек Осмонович Сулайманкулов, КӨЭАУнун аспиранты — «Кыргыз Республикасынын Перс булуңунун өлкөлөрү менен экономикалык интеграциясынын перспективалары» боюнча илимий баяндама жасады.
⠀
Иш-чара жаш илимпоздорго шыктануу берип, илимге болгон кызыгууну арттырган маанилүү демилге катары бааланды.
Коммуникация жана медиа департаменти
