8-декабрь — Кыргыз телерадио кызматкерлеринин күнүнө карата уюштурулган иш-чарада Кыргыз-Өзбек Эл аралык университетинин Коммуникация жана медиа департаментинин алдында “КУМУ – Медиа клубунун” ачылыш аземи өттү.
Иш-чаранын жүрүшүндө Коммуникация жана медиа департаментинин директору Тургунбай Алдакулов Медиа клубду түзүүнүн максаты, анын ролу жана келечектеги багыттары тууралуу кеңири маалымат берип, клубдун расмий ачылгандыгын жарыялады.
Университеттин ректору, экономика илимдеринин доктору, профессор Абдилбает Мамасыдыков университеттин медиа мейкиндиктеги активдүүлүгүн жогору баалап, маалыматтык маданияттын жана журналистиканын коомдогу маанилүү ордун баса белгиледи.
Иш-чаранын алкагында университеттин социалдык тармактардагы маалыматтык имиджин көтөрүүгө салым кошуп келген кызматкерлерге “Ыраазычылык баракчалары” жана Медиа клубдун мүчөлүк “Күбөлүктөрү” тапшырылды.
Медиа клубдун жаңы мүчөлөрү —Социалдык иштер боюнча проректор, филология илимдеринин кандидаты Сыргак Сарыков, КӨЭАУнун Кесиптик бирлик комитетинин төрагасы Шералы Эгембердиев, Юридика-экономикалык факультетинин деканы, юридика илимдеринин доктору, профессор Алмагүл Көкөева медиа клубдун түзүлүшүн колдоп, Коммуникация жана медиа департаментинин демилгесине ыраазычылыгын билдирди.
Коммуникация жана медиа департаменти
