Батыралы Сыдыков атындагы Кыргыз-Өзбек Эл аралык университети 2023-жылдын жыйынтыгын чыгарды. “Мыктылардын мыктысы-2023” конкурсунун жобосунун негизинде 2023-жылдын мыктылары аныкталып, окутуучуларга арналган Жаңы жылдык кечеде сыйлык ээлери сыйланышты.
Аталган сыйлыктарды Б.Сыдыков атындагы Кыргыз-Өзбек Эл аралык университетинин ректору, экономика илимдеринин доктору, профессор Абдилбает Мамасыдыков баштаган жетекчилер өз ээлерине тапшырды.
Жеңүүчүлөр бир айлык маяна, лента жана сертификаттарга ээ болушат. Ал эми университеттин “Эмгек сиңирген ишмери” номинациясынын жеңүүчүсүнө бир жылдык маянасына 25% кошумча акы төлөнүп берилет.
Эскерте кетсек “Мыктылардын мыктысы” конкурсу жыл сайын университет тарабынан өткөрүлүп, жылдын аягында жеңүүчүлөрдү аныктап, белгиленген номинациялар жана акчалай сыйлыктар тапшырылып келет.
