КӨЭАУнун Билим берүү инновациялары колледжи тарабынан 2025-жылдын декабрь айынан бери “Башталгыч класстарды окутуу”, “Чет тили” жана “Котормо таануу” багыттары боюнча билим берүү программаларынын окуу максаттарын жана натыйжаларын жаңыртуу боюнча пландуу иштер жүргүзүлүп келет.
Педагогикалык программалар үчүн бул иш Кыргыз Республикасынын 12 жылдык жалпы билим берүү моделине өтүүсүнүн алкагында, ал эми “Котормо таануу” программасы үчүн эмгек рыногунун өзгөрүп жаткан талаптарын жана көп тилдүү билим берүү чөйрөсүн өнүктүрүүнү эске алуу менен жүргүзүлүүдө.
2026-жылдын 19-январынан тартып бул процесс колледждин директору, физика-математика илимдеринин доктору, профессор Ч.Х.Абдуллаеванын жетекчилиги астында уюштурулууда. Мугалимдерге методикалык колдоо көрсөтүүнү жана окутууну экономика илимдеринин кандидаты, доцент А.А.Абдукаримов жүргүзөт, ал Кыргыз Республикасынын Улуттук квалификациялык алкагына, мамлекеттик билим берүү стандарттарына, “Жалпы билим берүү уюмунун (мугалим, тарбиячы) (башталгыч жалпы билим берүү)” кесиптик стандартына жана Блум таксономиясына негизделет.
Учурда окутуучулар жаңыртылган окуу натыйжаларын окуу программаларына, курстарга жана баалоо куралдарына интеграциялап жатышат. Кийинки кадам жаңыртылган окуу максаттарын жана натыйжаларын негизги кызыкдар тараптар менен координациялоону камтыйт.
Бул иш бүтүрүүчүлөрдү даярдоонун сапатын жакшыртууга, аны билим берүү системасынын жана эмгек рыногунун учурдагы талаптарына ылайыкташтырууга жана колледждин ички сапатты камсыздоо системасын чыңдоого багытталган.
Коммуникация жана медиа департаменти
