Кыргыз-Өзбек Эл аралык университетинин кесиптик колледжинин директору, доцент Абдуллаева Чолпон Хабибуллаевна Ташкент шаарындагы Мирзо Улугбек атындагы Улуттук университетинде өткөн эл аралык илимий конференцияга катышып келди.
Конференция аталган окуу жайдын окумуштуусу, профессор А.Я.Нармановдун 70 жылдык юбилейине карата өткөрүлүп, ага чет элдик белгилүү окумуштуулар чакырылган.
Чолпон Абдуллаева КӨЭАУнун атынан барып, эл аралык конференциянын ишине ийгиликтерди каалап, секциялык бөлүгүндө Кыргыз-Өзбек Эл аралык университетинин илимий ишмердүүлүгү жөнүндө маалымат берип, геометрия жаатында алынган жаңы жыйынтыктар боюнча баяндама жасаганын билдирди.
