Кыргызстандын бардык облустарында жана Бишкек шаарында колледждер жана кесиптик лицейлер арасында “мода технологиясы”, “ашпозчулук иш”, “ширетүүчү” компетенциялары боюнча аймактык сынактар өттү.
“Мода технологиясы” боюнча сынакка республика боюнча 51 окуу жайы: 9 колледж жана 42 кесиптик лицей катышты. Аймактык чемпионаттын жыйынтыгы боюнча 8 окуу жай тандалып алынып, алар улуттук деңгээлдеги сынакта өз күчүн сынады. Ал эми жыйынтыктоочу сынактын жеңүүчүлөрү Лион шаарында (Франция) 2024-жылдын 10-15-сентябрында өтө турган эл аралык мелдешке Кыргызстандын атынан катышууга мүмкүнчүлүк алышты.
Бул сынакта Б.Сыдыков атындагы Кыргыз-Өзбек Эл аралык университенинин кесиптик колледжинин КМТШИ9-1-21 студенти Садирова Анжелика II орунду багындырды.
Даярдаган окутуучулар Якубова Гулнара, Маметова Толгонай.
