Б.Сыдыков атындагы Кыргыз–Өзбек Эл аралык университетинин тарых-филология факультетинин орус филологиясы кафедрасынын окутуучулары жана студенттери орус тили жана адабиятынын декадасынын алкагында кайрымдуулук акциясын өткөрдү.
Акциянын негизинде Ош шаарындагы атайын жалпы билим берүүчү жатак-мектепке жардам көрсөтүлдү. Түшкөн каражаттын эсебинен телевизор, таттуулар жана башка керектүү буюмдар сатылып алынып, мектептин тарбиялануучуларына тапшырылды.
Кайрымдуулук иш-чарасы концерттик программа менен коштолуп, окуучулар үчүн майрамдык маанай тартуулады.
Бул иш-чара студенттердин жана окутуучулардын коомдук жоопкерчилигин, боорукерлигин жана гуманисттик баалуулуктарын дагы бир жолу далилдеди. Коммуникация жана медиа департаменти
