Султан Ибраимов атындагы Ош улуттук драма театры менен түзүлгөн эки тараптуу келишимге ылайык, жаштарды театрга тартуу, келечек муунду мекенчилдикке үндөө максатында жана студенттерге спектакль көрүүгө ыңгайлуулуктарды түзүү үчүн университеттин ректору, профессор Мамасыдыков Абдилбает Асанович 500 даана театралдык карточкаларды атайын каражаттардын жана демөөрчүлөрдүн эсебинен сатып алып, студенттерге акысыз бөлүштүрүп берди.
Аталган театралдык карточка менен студенттер бир жыл боюу 8 жолу жаңы спектаклдерди көрүүгө жана Жаңы жылдык карнавалга катышууга, ошондой эле 2025-жылдын май айында болуучу чоң шоу концертке театралдык карточка менен кирүүгө мүмкүндүк алат.
Спектаклдердин коюлган убактысы ар бир абонентке алдын ала кабарланып турат.
