Б. Сыдыков атындагы Кыргыз–Өзбек Эл аралык университетинде 23-сентябрь – Мамлекеттик тил күнүнө карата жумалык жарыяланды. Бул ири иш-чаранын алкагында университеттин бардык факультеттеринде жана түзүмдөрүндө маданий-массалык иш-чаралар, куратордук жана ачык сааттар, тегерек столдор уюштурулуп өткөрүлүүдө.
Жумалыктын эң маанилүү иш-чараларынын бири катары 30-сентябрда «Улуттук уңгудан глобалдык келечекке: «Манас» эпосу, тил жана түрк дүйнөсүнүн маданий мурастарын туруктуу өнүктүрүүдө жасалма интеллекттин ролу» аттуу эл аралык илимий-практикалык симпозиум өтмөкчү.
Симпозиумдун максаты – Кыргыз Республикасынын Президентинин “Улуттук дем – дүйнөлүк бийиктик” концепциясын, “Улуттук нарк жөнүндөгү” жарлыгын жана “Кыргыз Республикасында 2021–2025-жылдары мамлекеттик тилди өнүктүрүү жана тил саясатын өркүндөтүү” программасын ишке ашырууга салым кошуу.
Бул демилге мамлекеттик тилдин коомдук турмуштагы ордун чыңдоого, руханий баалуулуктарды сактап, заман талабына шайкеш өнүктүрүүгө багытталууда.Коммуникация жана медиа департаменти
