Ош облустук мугалимдер күнү КӨЭАУда өттү
Бүгүн, 2-октябрь күнү Б. Сыдыков атындагы Кыргыз-Өзбек Эл аралык университетинин маданий-эстетикалык борборунда Кыргыз Республикасынын Президентинин Ош облусундагы ыйгарым укуктуу өкүлчүлүгү тарабынан “Мугалим — коомдун сыймыгы жана күзгүсү” аттуу майрамдык кече уюштурулду.Иш-чарада Президенттин Ош облусундагы ыйгарым укуктуу өкүлүнүн орун басары Талантбек Арстанкулов, университеттин ректору, э.и.д., профессор Абдилбает Мамасыдыковдор мугалимдерди кесиптик майрамы менен куттуктап, коомдогу орду жана эмгегине токтолду.Салтанаттуу кеченин жүрүшүндө жылдын мыкты мугалимдери ар түрдүү номинациялар боюнча аныкталып, баалуу сыйлыктар менен сыйланышты.Ош облустук Р.Абыдкадыров атындагы филармониясы тарабынан даярдалган концерттик программа майрамдык маанай тартуулап, коноктордун маанайын көтөрдү.Бул кече — мугалимдерге болгон терең урмат-сыйдын жана коомдогу ордун даңазалаган маанилүү иш-чара катары белгиленди.Коммуникация жана медиа департаменти
