Кыргыз-Өзбек Эл аралык университетинде бул күнгө карата кайрымдуулук маанайындагы өзгөчө иш-чара өттү. Мамлекеттик тил жана социалдык иштер боюнча проректор, ф.и.к., доцент Сарыков Сыргак Токтосуновичтин демилгеси менен Студенттик жаштар комитети тарабынан «Биз ар дайым биргебиз» аттуу кайрымдуулук акциясы уюштурулду.
Акциянын алкагында чогулган каражат:
Университетте билим алып жаткан мүмкүнчүлүгү чектелген 15 студентке, Кара-Суу шаарындагы дүлөй балдар үчүн атайын жатак-мектепке тапшырылды. Бул игиликке салым кошкон бардык окутуучуларга, студенттерге жана факультет, колледждердин төрага-төрайымдарына университеттин жетекчилиги ыраазычылык билдирет.
Жардам – бул боорукердиктин, биримдиктин белгиси. Биз дайыма биргебиз!
Коммуникация жана медиа департаменти
