Кыргыз Республикасынын Президенти Садыр Жапаровдун: «Кыргыз Республикасынын калкынын дене бой жактан даярдоо боюнча нормативдик талаптарды тапшыргандарды сыйлоо» жарлыгына ылайык, 6-10-баскычтагы нормативдик талаптарды тапшырган спортчуларга алтын, күмүш төш белгилери тапшыруу аземи Кыргыз-Өзбек Эл аралык университетинин чоң жыйындар залында уюштурулду.
Салтанаттуу жыйынды окуу жайдын ректору, профессор Абдилбает Мамасыдыков куттуктоо сөзү менен ачып берди.
Кыргыз Республикасынын Маданият, маалымат, спорт жана жаштар саясаты министрлигине караштуу дене тарбия жана спорт департаментинин алдындагы «Жаштык» дирекциясынын кызматкерлери салтанаттуу жыйынга катышып, төш белгилерди өз ээлерине тапшырды.
Жаштык жигерин максаттуу пайдаланууга багыт берүү максатында Бишкек шаарынан келген коноктордун колунан сыйлыгын алган жаштар эстелик үчүн жалпы сүрөткө түшүп иш чараны жыйынтыкташты.
