27-ноябрь күнү Б.Сыдыков атындагы Кыргыз-Өзбек Эл аралык университетинин факультеттеринин, колледждеринин жана Ош шаарындагы жогорку окуу жайларынын студенттери арасында “ЭРУДИТ-КВИНТЕТ” жана “БРЕЙН-РИНГ” интеллектуалдык таймашы болуп өттү.
Студенттердин ортосундагы ынтымакты жана достукту бекемдөө максатында өткөн интеллектуалдык таймаш 3 бөлүктөн туруп, жалпы 23 команда катышып, жеңүүчү командаларга диплом, акчалай сыйлыктар тапшырылды.
Аталган иш чарада университеттин ректору, профессор Абдилбает Мамасыдыков, студенттерди өз ара изденүүгө, дүйнө таанымын, логикалык ой жүгүртүүлөрүн, интеллектуалдык деңгээлин жогорулатууга үндөдү.
Интеллектуалдык таймаш табигый-педагогикалык жана маалыматтык технологиялар факультетинин студенттери тарабынан уюштурулду.
