Бишкек шаарынан «Айыл Банк» ААКсынын сатуу бөлүмүнүн башчысы Жабиев Кубанычбек Тилешович, сатуу бөлүмүнүн аймактык менеджери Байымбетов Талгатбек Алмазбекович, «Айыл Банк» ААКсынын Ош филиалынын директору Адилбаева Жамила Жумалиевна баштаган банк кызматкерлери Кыргыз-Өзбек Эл аралык университетине келишти.
Аталган банктын өкүлдөрүн окуу жайдын ректору, профессор Мамасыдыков Абдилбает Асанович кабыл алды.
«Айыл Банк» ААКсынын өкүлдөрү банкта жүргүзүлүп жаткан жаңылануулар, ар кандай тарифтер, айлык акы долбоорлору, акча каражаттарын көзөмөлдөө жана операцияларды жүргүзүү мүмкүнчүлүктөрү боюнча кенен маалымат беришти.
Университеттин ректору, профессор Абдилбает Асанович кардарлар үчүн финансы мекеменин ишенимдүүлүгү жана туруктуулугу биринчи орунда турарын айтып, Айыл Банк бүгүнкү күндө өзүнүн ийгиликтүү тарыхы менен көпчүлүктүн купулуна толгонун белгилеп, мекеменин ишине ийгиликтерди каалады.
Мындан сырткары тараптар эки тараптуу кызматташуу боюнча ойлорун ортого салып, пикир алмашышты.
