Бүгүн, 19-февраль күнү Б.Сыдыков атындагы Кыргыз-Өзбек Эл аралык университетинин Бириккен кесиптик бирлик комитетинин мүчөлөрүнүн жыйыны болду.
Жыйынга университеттин Бириккен кесиптик бирлик комитетинин мүчөлөрүнөн сырткары окуу жайдын окуу иштери жана каржы боюнча проректору, доцент Алтынбек Зулпукаров, мамлекеттик тил жана социалдык иштер боюнча проректору, доцент Сыргак Сарыков катышты.
Күн тартибинде бириккен кесиптик бирлик комитет мүчөлүгүнөн чыгаруу жана шайлоо жөнүндө, Бириккен кесиптик бирлик комитетинин 2024-жылда аткарган иштеринин эсеп-кысабы, бириккен кесиптик бирлик комитетинин текшерүү комиссиясынын 2024-жыл үчүн эсеп-кысабы жана ар түрдүү маселелер каралды.
КӨЭАУнун Бириккен кесиптик бирлик комитетинин төрагасы Шералы Эгембердиев 2024-жылда аткарылган иштер боюнча маалымат берди. Төрага тарабынан берилген эсеп-кысап бириккен кесиптик бирлик комитетинин мүчөлөрү тарабынан канааттандырарлык деп табылды.
#Эскертүү: Кыргыз-Өзбек Эл аралык университетинин баракчасына достук жибергендер үчүн бош орун калбай калды. Андыктан фейсбук-баракчабыздын башкы бетиндеги «ПОДПИСАТЬСЯ» баскычы аркылуу катталсаңыздар болот.
