Жолугушууда эки окуу жайдын ортосундагы достук мамиле бекемделип, билим берүү багытында окутуучулардын, студенттердин академиялык мобилдүүлүгүн уюштуруу иштери жолго коюлганы айтылды.
Белгилей кетсек, 7-февраль күнү Андижан мамлекеттик педагогикалык институтунун кыргыз тили жана адабияты багытында билим алган 13 студент академиялык мобилдүүлүк боюнча Кыргыз-Өзбек Эл аралык университетине келишкен. Аталган бир айлык мобилдүүлүктүн алкагында бүгүн Андижан мамлекеттик педагогикалык институтунан келген студенттер менен Кыргыз-Өзбек Эл аралык университетинин студенттеринин ортосунда «Кыз-жигит» сармерден өткөрүлөт.
Андижан мамлекеттик педагогикалык институтунан келген делегация эки окуу жайдын студенттеринин таланттарына күбө болушат.
