Бүгүн, 21-февралда Б.Сыдыков атындагы Кыргыз-Өзбек Эл аралык университетинде 23-февраль – Ата Мекенди коргоочулар күнүнө арналган салтанаттуу концерттик программа болуп өттү. Ага окуу жайдын жетекчилиги, профессордук-окутуучулар жамааты катышты.
Мекенди коргоочулардын күнүнө карата жыл сайын түзүмдөрдүн айымдары тарабынан салтанаттуу кече өткөрүлүп келет. Быйылкы жылы майрамдык иш чара университеттин медициналык колледжинин айымдары тарабынан уюштурулду.
Медициналык колледждин таланттуу эжекелери сахнада жоокер ырын ырдап, бий бийлеп, үй-бүлөлүк көрүнүштөрдү аткарып, жалпы жамаатка жагымдуу маанай тартуулашты.
Кеченин соңунда университеттин ректору, профессор Абдилбает Мамасыдыков, бириккен профсоюз уюмунун төрагасы Шералы Эгембердиев, Аялдар кеңешинин төрайымы Айгүл Арынова мырзаларды Мекенди коргоочулар күнү менен куттуктап, майрамдык маанай тартуулаган колледждин айымдарына ыраазычылыктарын билдиришти.
