14-февраль Эл аралык китеп белек берүү күнүнө карата КӨЭАУнун жыйындар залында аймактардан жана Ош шаарынан келген мектеп окуучулары үчүн ЖРТга даярдануу, туура кесип тандоо жана окуу жайды жарнамалоо боюнча жолугушуу болуп өттү.
Жолугушууда жалпы республикалык тестирлөөгө көп жылдан бери окуучуларды даярдап жүргөн тажырыйбалуу мугалимдер атайын презентацияларды жасап, окуучулар кызыктырган суроолоруна кенен жоопторду алышты. Ошондой эле аталган иш чарага мектеп мугалимдери дагы катышып, уюштуруучулар тарабынан логикалык кызыктуу суроолор берилип, интеллектуалдык оюндар уюштурулду.
Университеттин «Интеллектуалдар» борборунун жетекчиси Сагынбек Маманов аймактардагы жана Ош шаарындагы мектептерден келген окуучуларга университеттин материалдык-техникалык базасы, жүргүзүп жаткан ишмердүүлүгү боюнча кенен маалымат берди.
