2025-жылдын 24-февраль күнү Кыргыз-Өзбек Эл аралык университетинин (КӨЭАУ) табигый-педагогикалык жана маалыматтык технологиялар факультетинде КӨЭАУда иштеген Ооган согушунун ардагерлери менен жолугушуу уюштурулду.
Жолугушууда улуттук жазуучулар союзунун мүчөсү, акын-котормочу, университеттин редакциялык-басма бөлүмүнүн башчысы Жаныбеков Маметибраим Быштакович, ТМПТФнын ТИОУ кафедрасынын ага окутуучусу Кулбаев Абдусаттар Заирович, университеттин кароолчусу Сыдыкбаев Алибек Исраиловичтер студенттерге Ооган согушунун келип чыгуу себептери жана кесепети, согушта миңдеген жоокерлер шейит кетип, жүрөк ооруткан окуялар, күндүн ысыгына күйүп, бир тамчы таза сууга зар болгон учурлар боюнча баяндап айтып беришти.
Согуштун катышуучуларына студенттер тарабынан бир канча суроолор берилип, жооптор алынды.
ТПМТФнын деканы, профессор Жумагүл Кеңешовна студенттерге өткөн тарыхты, Ата Мекендин ар намысы үчүн күрөшкөн баатырлардын согуш талаасындагы каармандыгын ар бир жаран жана келечек муундар эч качан эстен чыгарбоо керектигин айтуу менен, аларды Ата Мекенди, элди, жерди сүйүүгө, тамак-ашты ысырап кылбоого, достук менен ынтымактуу жашоого чакырып кетти!
Ошондой эле Ооган согушунун катышуучуларына студенттер менен жолугушууга келип, мазмундуу маек куруп бергендиги үчүн терең ыраазычылык билдирди.
