Бүгүн, 18-февраль күнү Кыргыз-Өзбек Эл аралык университетинин ректору, профессор Абдилбает Мамасыдыков окуу жайда эмгектенген Ооган согушунун ардагерлерин кабыл алды. Ректор, Ооганчыларды 15-февралда өткөн майрамы менен куттуктап, майрам дем алыш күнгө туш болуп калганын айтып, акчалай сыйлыктарды тапшырды.
Ал эми КӨЭАУнун бириккен профсоюз уюмунун төрагасы Шералы Эгембердиев ооганчыларыбыздын эмгеги жаштарга дайыма үлгү болорун белгилеп, Кыргыз-Өзбек Эл аралык университетинин профсоюз уюмунун атынан акчалай колдоолорду көрсөттү.
Ошондой эле Шералы Эгембердиев, Кыргыз Республикасынын Билим жана илим кызматкерлеринин кесиптик бирлигинин борбордук комитетинин төрагасы Пиримкулов Мусабай Маматовичтин куттуктоосун майрам ээлерине жеткирип, Кыргыз Республикасынын Билим жана илим кызматкерлеринин кесиптик бирлигинин мыктысы төш белгилерин КӨЭАУда эмгектенген Ооган согушунун ардагерлерине тапшырышты.
Ардагер агайлар жыл сайын ар тараптуу колдоолорду көрсөтүп келе жаткан ректоратка жана профсоюз уюмуна ыраазычылыктарын билдиришти.
Белгилей кетсек Кыргыз-Өзбек Эл аралык университетинде Ооган согушунун үч ардагери эмгектенет. Аларга жыл сайын окуу жайдын жетекчилиги жана профсоюз уюму майрамга карата колдоолорду көрсөтүп келет.
