2025-жылдын 19-февраль күнү «Керемет Банк» ачык акционердик коомунун Оштогу филиалынын директору Касымов Амантур Мыйманбаевич, юристи Джусмаматов Шанир Джылчынбаевич, банк кызматкери Нуркул уулу Роман КӨЭАУга келип, юридика-экономика факультетинин студенттери менен жолугушту.
Жолугушууда студенттерге финансылык сабаттуулук, кредит келишими, банктык операциялар, адамдын финансылык бакубаттуулугу боюнча кеӊири маалымат берилди.
Иш чарага келечектеги экономисттер, юристтер жана социалдык иш адистиктеринде окуган студенттер катышып, кызыктырган суроолоруна кеңири жоопторду алышты.
Юридика-экономика факультетинин деканы, ю.и.д., профессор Алмагүл Көкөева, практикалык маанидеги мындай жолугушуулар кадрларды даярдоодо өзгөчө мааниге ээ экендигин белгилеп, конокторго ыраазычылыгын билдирди.
