ШКУнун канасынын расмий ачылуу аземинде КӨЭАУнун ректору, экономика илимдеринин доктору, профессор Абдилбает Мамасыдыков сөз сүйлөп, жаңы каананын жети мамлекеттин кызматташтыгын чыңдоого чоң өбөлгө түзөрүн баса белгиледи.
«Чек ара тоскоолдугу унутулуп, достук байланышы гана кала турган мезгил келди», — деп белгилеп, бул иш-аракеттер келечек муундун туруктуу өнүгүүсүнө багытталганын айтты.
Ошондой эле Өзбекстандын ШКУ борборунун директору Касымжан Собиров Кыргызстандын жылуу кабыл алуусуна ыраазычылыгын билдирип:«Кыргыз бир туугандар чек арадан баштап эле жылуу тосуп алды. Бул жерде өз үйүбүздө жүргөндөй сезилүүдө», — деди. Сабиров Ош шаарына 20 жылдан кийин келгенин, шаар олуттуу өзгөрүп, өсүп-өнүгүп жатканын белгиледи.
Иш-чарада КӨЭАУ менен Өзбекстан Республикасынын ШКУ борбору меморандумга кол коюп, эки өлкө ортосундагы илимий-агартуу жана маданий кызматташтык жаңы баскычка көтөрүлөрү айтылды.Мындан сырткары Казакстан Республикасынын консулу Мухтар Карибаев, Өзбекстан Республикасынын консулунун орун басары Фуркат Усманов жана Шанхай Кызматташтык уюмунун Маданий- интеграциялык борборунун директорунун орун басары Сталбек Бекболотовдор да куттуктоо сөздөрүн айтышып, бул аянтча кызматташууну дагы да бекемдерине ишеним артышты.
Бул каана — студенттер үчүн жаңы мүмкүнчүлүктөр, эл аралык кызматташтыктын кеңейиши жана билим мейкиндигинин ачылышы катары бааланууда. Коммуникация жана медиа департаменти
