КӨЭАУнун Билим берүү инновациялары колледжинин математика жана табигый сабактар бирикмесинде 20–24-апрель күндөрү «Физика жана мен» аттуу жумалык жогорку деңгээлде, мазмундуу жана кызыктуу форматта өткөрүлдү. Ар бир күн өзгөчө иш-чаралар менен коштолуп, студенттер үчүн пайдалуу аянтча болуп берди.
1-күн
Жумалык салтанаттуу ачылып, анын максаты жана программасы кеңири тааныштырылды. Студенттер илим дүйнөсүнө болгон кызыгуусун арттырып, активдүү катышууга шыктанды.
2-күн
Электр көмөкчү чордон боюнча маалыматтык иш-чара жана экскурсия уюштурулуп, катышуучулар электр энергиясынын өндүрүлүшү жана бөлүштүрүлүшү менен практикалык деңгээлде таанышышты.
3-күн
Физика сабагы боюнча олимпиада өткөрүлүп, студенттер өз билим деңгээлин сынашты. Жыйынтыгында Сайпидинова Сезим орунга, Нематуллаева Зарипа 2-орунга, ал эми Пусуров Нурислам 3-орунга ээ болушту.
4-күн
«Электр энергиясын өндүрүү жана аралыкка берүү» темасында конок лекция окулду. Лектор — ОшМУнун окутуучусу А. Ж. Жапаркулов. Катышуучулар теориялык билим менен катар практикалык маалыматтарды да алышты.
5-күн
STEM колледжинин окутуучулары жана студенттери тарабынан мастер-класс өткөрүлүп, ББИК студенттери «Ньютондун закондору сахнада» аттуу сахналаштырылган көрсөтүү менен өз чыгармачылыгын тартуулашты.
24-апрель күнү жумалык жыйынтыкталып, активдүү катышкан студенттер сыйланып, иш-чара расмий жабылды.
Бул жумалык студенттер үчүн жаңы мүмкүнчүлүктөрдү ачып, теориялык билимди практика менен айкалыштырып, илимге болгон кызыгууну арттырган маанилүү аянтча болду.
Коммуникация жана медиа департаменти
