Кара-Кыргыз автономиялуу облусунун түзүлгөндүгүнүн жана билим берүү системасынын 100 жылдык мааракесинин алкагында өткөн “ЖЫЛДЫН МЫКТЫ МУГАЛИМИ” жана “ЖЫЛДЫН МЫКТЫ ТАРБИЯЧЫСЫ” сынагында “Жылдын мыкты тарбиячысы” деп Кыргыз-Өзбек Эл аралык университетинин бүтүрүүчүсү жана учурдагы студенти (экинчи билими боюнча), Ош шаарындагы №35 Асан-Үсөн мектепке чейинки билим берүү уюмунун тарбиячысы Калмаматова Махабат Арапбаевна табылган. Бүгүн, КР Президенти Садыр Жапаров аталган сынактардын жеңүүчүлөрүнө сыйлыктарды тапшырып, мугалим менен тарбиячынын кадыр-баркына токтолду.
