Бүгүн, Б.Сыдыков атындагы Кыргыз-Өзбек Эл аралык университетинде жыл сайын салтка айланган факультет, колледждерде окуган жалпы студенттер арасында спартакиада башталды.
Спорттук иш чаранын ачылышына окуу жайдын ректору, профессор Абдилбает Мамасыдыков, бириккен профсоюз уюмунун төрагасы Шералы Эгембердиев, мамлекеттик тил жана социалдык иштер боюнча проректор Сыргак Сарыков, факультет, колледждердин жетекчилери катышып, иш чаранын катышуучуларына ийгиликтерди каалашты.
Спорттук иш чара бир жумага созулат. Мелдештин жүрүшүнө университеттин “Достук” спорт клубу, дене тарбия мугалимдери калыстык кылышат.
