Андижан шаарында өткөн «Эне тили – эл байлыгы» аттуу илимий-практикалык конференциянын жүрүшүндө Кыргыз Республикасынын Өзбекстан Республикасындагы атайын жана ыйгарым укуктуу элчиси Дүйшөнкул Чотонов менен Кыргыз-Өзбек Эл аралык университетинин жетекчилиги ортосунда эки тараптуу маанилүү сүйлөшүүлөр жүрдү.
Сүйлөшүүлөрдүн жыйынтыгында тараптар маданий-билим берүү багытындагы кызматташтыкты жаңы деңгээлге көтөрүү максатында биргелешкен пландарды белгилешти.
Ага ылайык, 2027-жылдын жаз айларында Ош шаарында, анын ичинде Кыргыз-Өзбек Эл аралык университетинин базасында чоң масштабдагы иш-чара уюштурууну макулдашты.
Бул келечектүү долбоорду ишке ашырууга төмөнкү тараптар тартылат:
Кыргыз Республикасынын Өзбекстан Республикасындагы Элчилиги, Кыргыз-Өзбек Эл аралык университети, Андижан мамлекеттик педагогикалык институту.
Пландалып жаткан бул иш-чара эки өлкөнүн жогорку окуу жайларынын ортосундагы тажрыйба алмашууну арттырып, кыргыз-өзбек элдеринин тарыхый, маданий жана илимий байланыштарын дагы да бекемдөөгө өбөлгө түзөрүн билдиришти.
