Б.Сыдыков атындагы Кыргыз-Өзбек Эл аралык университетинде Ачык эшиктер күнү жогорку деңгээлде уюштурулуп, келечекке багыт алган жаштар үчүн өзгөчө маанилүү аянтчага айланды.
Алыскы аймактардан жана шаардык мектептерден келген бүтүрүүчүлөр ата-энелери, мугалимдери менен бирге каттоодон өтүп, факультеттер жана колледждер уюштурган мастер-класстарга катышышты. Бул формат абитуриенттерге кесип тандоодо так багыт алууга көмөк көрсөттү.
Расмий бөлүк маданий-эстетикалык борбордо өтүп, университеттин ректору, экономика илимдеринин доктору, профессор Абдилбает Мамасыдыков куттуктоо сөзүн сүйлөп, турмуштун жаңы баскычына аттанган бүтүрүүчүлөргө кең келечек каалады.
Иш-чаранын жүрүшүндө университеттин түзүмдөрүнүн ишмердүүлүгүн чагылдырган видеоматериалдар сунушталды.
Кечени таланттуу студенттер тарабынан даярдалган концерттик программа коштоп, конокторго майрамдык маанай тартуулады.
Коммуникация жана медиа департаменти
